دوسروں سے متعلق ہمیشہ نیک گمان رکھیں

ایک محترمہ ٹیکسی ڈرائیور کے برابر والی سیٹ پر بیٹھ کر سفر کر رہی ہے حالانکہ پچھلی سیٹیں خالی ہیں!
ایک شخص مسجد کے آگے سے گزر رہا ہے، جب کہ لوگ نماز پڑھ رہے ہیں۔ اور وہ نماز ادا کیے بغیر آگے گزر جاتا ہے!

آپ ایک آدمی کے پاس سے گزرتے ہیں اور اسے سلام کرتے ہیں مگر وہ جواب نہیں دیتا!
محترمہ، ٹیکسی چلانے والے کی اہلیہ ہیں، اس لیئے برابر والی سیٹ پر بیٹھ گئی۔
اس آدمی نے دوسری مسجد میں نماز پڑھ لی ہے، اس لیے اس مسجد کے سامنے سے آگے گزر گیا۔
اس شخص نے آپ کے سلام کی آواز سنی ہی نہیں ہے، لہذا جواب کیسے دیتا۔


ایک بزرگ فرماتے ہیں کہ اگر میں کسی بھائی کو اس حال میں دیکھوں کہ اس کی داڑھی سے شراب کے قطرے ٹپک رہے ہیں تو میں یہی حسن ظن رکھوں گا کہ کسی اور نے اس کی داڑھی کے اوپر شراب انڈیلی ہے۔
اور اگر کسی بھائی کو پہاڑ کی چوٹی پر یہ پکارتے ہوئے سنوں: "انا ربکم الاعلی"(میں تمہارا عظیم ترین رب ہوں) تو میں یہی گمان کروں گا کہ وہ قرآن کی تلاوت کر رہاہے۔
ابن القیم رحمہ اللہ فرماتے ہیں کہ انسان کے لیے خود اپنے اعمال کی نیتوں کو جاننا مشکل ہے اور وہ دسروں کی نیتوں کے بارے میں فیصلے صادر کرتا پھرتا ہے۔
اکثر دفعہ آپ معاملے کے صرف ایک رخ کو دیکھتے ہیں، لہذا دوسرے رخ کو آپ مثبت طرح سے لیں. تاکہ لوگوں کے ساتھ زیادتی اور ان کی حق تلفی نہ ہو۔
✍🏻 دوسروں سے متعلق ہمیشہ نیک گمان رکھیں۔