ڈونٹس سنڈے بنانے کی ترکیب

وقت:

تيارى كا وقت : 40-35 منٹ

پكانے كا وقت : 25-20 منٹ

افراد كے ليے : 8-6

ڈونٹس بنانے کیلئے اجزا:

اجزا	مقدار	اجزا	مقدار
میدہ	آدھا کلو	انڈے	چار عدد
چینی	آدھی پیالی(چار سے پانچ کھانے کے چمچ)	خمیر	60 گرام
سفید مکھن	250 گرام	تیل	تلنے کیلئے

ٹوپنگ بنانے کیلئے اجزا:

اجزا	مقدار	اجزا	مقدار
سفید چاکلیٹ	200 گرام	کوکنگ چاکلیٹ	200 گرام
اسپرنکلز	200 گرام	فریش کریم	ایک پیکٹ
کھوپرا	ایک پیالی	ونیلا آئس کریم	ایک پیالی

 ڈونٹس بنانے کی ترکیب:

ایک باؤل میں انڈے اچھی طرح پھینٹیں اور پھر ان میں چینی شامل کرکے اتنا پھینٹیں کہ چینی کا دانہ حل ہو جائے۔

اب اس میں خمیر مکس کریں کہ یہ بھی حل ہو جائے۔

اب آدھا سے ایک کپ میدہ اس مکسچر میں شامل کرکے مکس کریں اور پھر مکھن شامل کرکے مکس کریں کہ ایک جان ہو جائے۔

اب باقی کا میدہ ڈال کے مکس کریں اور اسے کٹنگ بورڈ پر لے آئیں اور ہاتھ کی مدد سے گوندھیں۔ تھوڑا سا خشک میدہ چھڑکتے ہوئے گوندھیں کہ نرم ڈو بن جائے۔

اس ڈو کے پیڑے بنا لیں اور ان کو بکنگ ٹرے پر میدہ چھڑک کے ٹرے پر رکھ دیں۔

انگلیوں پر تیل لگا کے ان پیڑوں کو تھوڑا سا درمیان سے دبائیں اور ان کو دس منٹ کیلئے رکھ دیں تاکہ خمیر کا عمل شروع ہو جائے۔

دس منٹ بعد نوزلز سے پیڑے کے درمیان میں سوراخ کرلیں اور اسے مزید دس منٹ کیلئے چھوڑ دیں۔

کڑاہی میں تیل کو درمیانہ گرم کرکے ان ڈونٹس کو ڈیپ فرائی کرلیں۔

جب ڈونٹس تیل کی سطح پر آجائیں تو ان کو پلٹ دیں اور اپنی مرضی کے رنگ میں فرائی کرلیں۔گولڈن یا ڈارک براؤن۔

ٹوپنگ بنانے کی ترکیب:

ایک دیگچی میں پانی لیں اور اس کے اوپر ایک شیشے کا باؤل رکھیں جو پانی میں ڈوبے نا، بس پانی کے اوپر رہے۔ اس باؤل میں سفید چاکلیٹ اور کوکنگ چاکلیٹ کو الگ الگ پگھلا لیں۔

چاکلیٹ اور ڈونٹس کو روم ٹمپریچر پر ٹھنڈا کرلیں۔

اب ڈونٹس کا آدھا حصہ چاکلیٹ میں ڈپ کریں۔

کچھ کو سفید چاکلیٹ میں ڈپ کریں اور کچھ کو کوکنگ چاکلیٹ میں۔

اب بٹر پیپر سے پائپنگ بیگ بنا لیں ان میں چاکلیٹ بھر لیں اور سفید چاکلیٹ والے ڈونٹس کو کوکنگ چاکلیٹ سے اور کوکنگ چاکلیٹ والے ڈونٹس کو سفید چاکلیٹ سے ڈیکوریٹ کریں۔

اسپرنکلز، کھوپرا اور فریش کریم سے گارنش کرکے سرو کریں۔

جب سرو کرنا ہو اس وقت ونیلا آئس کریم سے گارنش کرکے سرو کریں۔